如果提到香港最南嘅島嶼，可能唔少史友都會即時諗到蒲台島，咁如果將呢條問題再升級問到我國最南嘅地方，唔知史友們又識唔識回應呢？
喺呢度先唔賣關子，我國最南端其實就係一個叫做曾母暗沙嘅礁岩，咁到底呢度係一個點樣嘅地方，又點解會有一個咁奇怪嘅名呢？阿史今次就同大家講一講啦！
曾母暗沙之所以有一個咁奇怪嘅名，全因為呢個南沙群島一部分礁岩長年都唔會露出水面。早喺清朝年間，海南當地嘅漁民就已經喺航海手冊《更路簿》記錄咗呢個位於道明群礁東北部嘅地點，而當時呢個地方係叫做「沙排」又或者「長灘」。
而喺1935年，呢度又被稱為曾姆灘，及後去到1947年我國就正式將呢度命名為曾母暗沙，並且喺1994年投下一塊主權碑再次喺曾母暗沙宣示主權，至今都不時有我國軍艦定期巡航。
原圖嚟自網絡